ದೇಹ, ಹೃದಯ ಮತ್ತು ಪ್ರೀತಿ

9.6.2015

ಪ್ರಶ್ನೆ: ಸರ್, ಪ್ರೀತಿ ಹೃದಯಕ್ಕೆ ಸಂಬಂಧಿಸಿದೆ, ಹಾಗಿದ್ದರೆ ದೇಹವನ್ನು ಏಕೆ ಹಂಚಿಕೊಳ್ಳಬೇಕು?

ಉತ್ತರ: ದೇಹವನ್ನು ಹಂಚಿಕೊಳ್ಳುವುದು ಅನಿವಾರ್ಯವಲ್ಲ ಎಂದು ನೀವು ಭಾವಿಸಿದರೆ, ಹಂಚಿಕೊಳ್ಳುವ ಅಗತ್ಯವಿಲ್ಲ. ಆದರೆ ಆ ಭಾವನೆ ಸ್ವಾಭಾವಿಕವಾಗಿ ಬಂದಿರಬೇಕು, ಸಮಾಜ ಅದು ದೊಡ್ಡ ವಿಷಯ ಎಂದು ಹೇಳುವ ಕಾರಣದಿಂದಲ್ಲ. ನೀವು ಶ್ರೇಷ್ಠರೆಂದು ಈ ಸಮಾಜವು ಮೆಚ್ಚುವ ಕಾರಣ, ನೀವು ದೇಹವನ್ನು ಹಂಚಿಕೊಳ್ಳುವುದನ್ನು ತಪ್ಪಿಸಿದರೆ, ನಿಮ್ಮ ಆಸೆಯನ್ನು ನೀವು ನಿಗ್ರಹಿಸುತ್ತಿದ್ದೀರಿ ಎಂದರ್ಥ. ಆಗ ನಿಮಗೆ ನೀವೇ ಮೋಸ ಮಾಡಿಕೊಂಡಂತೆ.

ಸಮಾಜವು ನಿಮ್ಮನ್ನು ಪ್ರಶಂಸಿಸದಿದ್ದರೆ, ನೀವು ವಿಷಾದಿಸುತ್ತೀರಿ. ನಿಮ್ಮ ತ್ಯಾಗ ವ್ಯರ್ಥವಾಗಿದೆ ಎಂದು ನೀವು ಭಾವಿಸುವಿರಿ. ದೇಹವನ್ನು ಹಂಚಿಕೊಳ್ಳಬಾರದು ಎಂಬ ಭಾವನೆ ಸ್ವಾಭಾವಿಕವಾಗಿ ಬಂದರೆ, ಸಮುದಾಯವು ನಿಮ್ಮನ್ನು ಮೆಚ್ಚುತ್ತದೆಯೇ ಅಥವಾ ಖಂಡಿಸುತ್ತದೆಯೇ ಎಂಬ ಬಗ್ಗೆ ನೀವು ಎಂದಿಗೂ ಚಿಂತಿಸುವುದಿಲ್ಲ.

ಎರಡು ರೀತಿಯ ಹೃದಯಗಳಿವೆ. ಒಂದು ಭೌತಿಕ ಹೃದಯ ಮತ್ತು ಇನ್ನೊಂದು ಆಧ್ಯಾತ್ಮಿಕ ಹೃದಯ. ನಿಮ್ಮ ಪ್ರೀತಿಯು ಯಾವ ಹೃದಯದೊಂದಿಗೆ ಸಂಬಂಧಿಸಿದೆ? ಅದು ಯಾವ ಹೃದಯದೊಂದಿಗೆ ಸಂಬಂಧಿಸಿದೆ ಎಂಬುದು ಮುಖ್ಯವಲ್ಲ. ಪ್ರೀತಿ ವಿದ್ಯುತ್ ಪ್ರವಾಹದಂತೆ ವ್ಯಕ್ತಿನಿಷ್ಠವಾಗಿದೆ. ದೇಹವು ವಿದ್ಯುತ್ ತಂತಿಯಂತೆ ವಸ್ತುನಿಷ್ಠವಾಗಿದೆ. ವಿದ್ಯುತ್ ಅಗೋಚರವಾದುದು. ವಸ್ತು ಇಲ್ಲದೆ ಯಾವುದೇ ಪ್ರವಾಹವನ್ನು ಬಳಸಲಾಗುವುದಿಲ್ಲ.

ಅಂತೆಯೇ, ಪ್ರೀತಿಯನ್ನು ವ್ಯಕ್ತಪಡಿಸುವ ಏಕೈಕ ವಸ್ತು ದೇಹ. ಪ್ರೀತಿ ಅಭಿವ್ಯಕ್ತಿ ಪಡಿಸುವ ರೀತಿಗಳಲ್ಲಿ ಸಂಭೋಗ ಕೂಡ ಒಂದು. ಎಲ್ಲಾ ಅಭಿವ್ಯಕ್ತಿಗಳಿಗೆ ನೀವು ದೇಹವನ್ನು ಬಳಸಬೇಕು. ಒಬ್ಬ ವ್ಯಕ್ತಿಯು ನೋವಿನಿಂದ ಬಳಲುತ್ತಿದ್ದಾನೆಂದು ಭಾವಿಸೋಣ. ನಿಮ್ಮ ಹೃದಯದಲ್ಲಿ ನೀವು ಪೂರ್ಣ ಪ್ರೀತಿಯನ್ನು ಹೊಂದಿದ್ದೀರಿ. ಆ ವ್ಯಕ್ತಿಯ ನೋವನ್ನು ತೆಗೆದುಹಾಕಲು ನಿಮ್ಮ ದೇಹವನ್ನು ಬಳಸದೆ ನಿಮ್ಮ ಪ್ರೀತಿಯನ್ನು ಹೇಗೆ ವ್ಯಕ್ತಪಡಿಸುತ್ತೀರಿ?

ಪ್ರೀತಿಯ ಅಭಿವ್ಯಕ್ತಿಯನ್ನು ದೇಹದ ಮೂಲಕವೇ ಅನುಭವಿಸಬೇಕು. ಅಭಿವ್ಯಕ್ತಿ ಇಲ್ಲದ ಪ್ರೀತಿ ನಿಷ್ಪ್ರಯೋಜಕವಾದುದು. ಪ್ರೀತಿಯನ್ನು ವ್ಯಕ್ತಪಡಿಸುವುದೇ ಪ್ರೀತಿಯ ಏಕೈಕ ಪುರಾವೆಯಾಗಿದೆ.

ಶುಭೋದಯ .... ನಿಮ್ಮ ಪ್ರೀತಿಯನ್ನು ವ್ಯಕ್ತಪಡಿಸಿ ...💐

ವೆಂಕಟೇಶ್ - ಬೆಂಗಳೂರು

(9342209728)

ಯಶಸ್ವಿ ಭವ