ತಾಂತ್ರಿಕ ಪ್ರೀತಿ

28.3.2016

ಪ್ರಶ್ನೆ: ತಾಂತ್ರಿಕ ಪ್ರೀತಿ ಎಂದರೇನು? ಸಾಮಾನ್ಯ ಪ್ರೀತಿ ಮತ್ತು ತಾಂತ್ರಿಕ ಪ್ರೀತಿಯ ನಡುವಿನ ವ್ಯತ್ಯಾಸವೇನು? ಇದು ದೈವಿಕವೇ?

ಉತ್ತರ: ಜಾಗೃತವಾದ ಪ್ರೀತಿಯೇ ತಾಂತ್ರಿಕ ಪ್ರೀತಿ. ಸಾಮಾನ್ಯ ಪ್ರೀತಿಯಲ್ಲಿ, ಅರಿವು ಇರುವುದಿಲ್ಲ. ಇದುವೇ ಇವೆರಡರ ನಡುವಿನ ಪ್ರಮುಖ ವ್ಯತ್ಯಾಸ. ತಾಂತ್ರಿಕ ಪ್ರೀತಿಯಲ್ಲಿ, ನೀವು ಯಾರನ್ನಾದರೂ ಪ್ರೀತಿಸುವಾಗ ನಿಮ್ಮ ದೇಹ, ಮನಸ್ಸು ಮತ್ತು ಆತ್ಮದಲ್ಲಿ ಏನು ನಡೆಯುತ್ತಿದೆ ಎಂಬುದರ ಬಗ್ಗೆ ನಿಮಗೆ ಅರಿವಿರುತ್ತದೆ. ನಿಮ್ಮ ಗಮನವು ಆಧ್ಯಾತ್ಮಿಕ ಬೆಳವಣಿಗೆಯ ಮೇಲೆ ಇರುವುದರಿಂದ, ಮೋಸ ಮಾಡುವ ಅಥವಾ ಮೋಸ ಹೋಗಲು ಯಾವುದೇ ಅವಕಾಶವಿಲ್ಲ. ಎಂದಿಗೂ ನಿಮ್ಮ ಸಂಗಾತಿ ನಿಮ್ಮನ್ನು ಉಪಯೋಗಿಸಿಕೊಳ್ಳುತ್ತಿದ್ದಾರೆಂದು ನೀವು ಹೇಳುವುದಿಲ್ಲ. ಬದಲಾಗಿ, ನೀವು ಆಧ್ಯಾತ್ಮಿಕವಾಗಿ ಎಷ್ಟು ಬೆಳೆದಿದ್ದೀರಿ ಎಂದು ನೀವು ನೋಡುತ್ತೀರಿ.

ನಿಮ್ಮ ಸಂಗಾತಿಯೊಂದಿಗೆ ನೀವು ಹತ್ತಿರವಾಗಿದ್ದಾಗ, ನಿಮ್ಮೊಳಗಿರುವ ಶಕ್ತಿಯು ಸ್ಫೋಟಗೊಳ್ಳುತ್ತದೆ. ಇದರಿಂದ ನಿಮ್ಮೊಳಗೆ ಇಳಿದು ನೋಡುವ ಅವಕಾಶವನ್ನು ನೀವು ಕಳೆದುಕೊಳ್ಳುವುದಿಲ್ಲ. ನಿಮ್ಮ ಸಂಗಾತಿಯೊಂದಿಗೆ ನೀವು ಎಷ್ಟು ಹತ್ತಿರವಾಗುತ್ತೀರೋ ಅಷ್ಟು ಆಳವಾಗಿ ನಿಮ್ಮೊಳಗೆ ನೀವು ಹೋಗುತ್ತೀರಿ. ತಾಂತ್ರಿಕ ಪ್ರೀತಿಯ ಗುರಿ ಪರಿಪೂರ್ಣತೆಯನ್ನು ಸಾಧಿಸುವುದು, ಆದ್ದರಿಂದ ನಿಮ್ಮ ಸಂಗಾತಿಯ ವಿರುದ್ಧ ನೀವು ದೂರುಗಳನ್ನು ನೀಡುವುದಿಲ್ಲ. ಬದಲಾಗಿ, ನೀವು ಸಾಧ್ಯವಿರುವ ಎಲ್ಲ ರೀತಿಯಲ್ಲಿ ಸಾಮರಸ್ಯವನ್ನು ಸೃಷ್ಟಿಸಲು ಪ್ರಯತ್ನಿಸುತ್ತೀರಿ. ನಿಮ್ಮ ಸಂಗಾತಿಯ ಸಹಾಯದಿಂದ ನೀವು ಆಧ್ಯಾತ್ಮಿಕವಾಗಿ ಬೆಳೆದ ಕಾರಣ ನಿಮ್ಮ ಸಂಗಾತಿಗೆ ನೀವು ಕೃತಜ್ಞರಾಗಿರುತ್ತೀರಿ. ಪ್ರೀತಿಯು ದೈವಿಕವಾದುದು. ಒಂದು ರೀತಿಯಲ್ಲಿ, ತಾಂತ್ರಿಕ ಪ್ರೀತಿಯು ಹೆಚ್ಚು ದೈವಿಕವಾದುದಾಗಿದೆ ಎಂದು ಹೇಳಬಹುದು.

ಶುಭೋದಯ. .. ಅರಿವಿನೊಂದಿಗೆ ಪ್ರೀತಿಸಿ ..💐

ವೆಂಕಟೇಶ್ - ಬೆಂಗಳೂರು

(9342209728)