பகவத்-கீதை மற்றும் வேதாதிரியம்

12.4.2016

கேள்வி: ஐயா, பகவத்-கீதையில் தியானம் பற்றி சொல்லப்பட்டதையும் வேதாதிரியத்தில் பின்பற்றப்படுவதையும் ஒப்பிட்டுப் பார்க்க முடியுமா?

பதில்: பகவத்-கீதை தியானத்திற்கு எப்படி உட்கார வேண்டும், எதன் மீது உட்கார வேண்டும், எங்கு உட்கார வேண்டும் என்பதை விவரிக்கிறது. இது மனதின் தன்மை மற்றும் தியானத்தை கடைபிடிக்க அதை அடக்குவதன் முக்கியத்துவத்தைப் பற்றி பேசுகிறது. புலன்களின் எண்ணங்களையும் செயல்பாடுகளையும் கட்டுப்படுத்த ஒரு பொருளில் கவனம் செலுத்தவும், பின்னர் புருவங்களுக்கு இடையில் கண்களையும் மனதையும் நிலை நிறுத்தவும், பிரம்மச்சரியத்தை கடைபிடிக்கவும் இது ஒரு யோகிக்கு (தியானிப்பவர்) அறிவுறுத்துகிறது. தியானிக்கும் ஒருவர் எல்லோரையும் எல்லாவற்றையும், சமமாக நடத்த வேண்டும் என்றும் எப்போதும் சீரான மனதுடன் இருக்க வேண்டும் என்றும் அது கூறுகிறது.

சாப்பிடுவது, பொழுதுபோக்குவது, வேலை செய்வது, தூங்குவது, எழுந்திருப்பது போன்றவற்றில் மிதமாக இருக்க தியானிப்பவரை அது வலியுறுத்துகிறது. பரமாத்மனில் ஈர்க்கப்பட்டு எல்லாவற்றையும் தன்னில் இருப்பதாகவும், தான் எல்லாவற்றிலும் இருப்பதாகவும் உணர்ந்தவனே யோகி என்று அது அறிவிக்கிறது. எனவே, அவர் தனது வலியாக மற்றவர்களின் வலியை உணருவார். பாவத்திலிருந்து விடுபட்ட, ஆசைகளை தன கட்டுப்பாட்டில் வைத்துள்ள, அமைதியான மனம் படைத்த, தன்னை அறிந்த யோகிக்கு உச்சகட்ட பேரின்பம் வருகிறது.

பகவத்-கீதை தியானத்தைப் பற்றி நல்ல கோட்பாடுகளைத் தருகிறது. நீங்கள் மணிக்கணக்கில் கோட்பாட்டைக் கேட்கலாம். ஆனால் நடைமுறை அமர்வுகள் இல்லாமல் வெறும் தத்துவார்த்த அறிவால் எந்தப் பயனும் இருக்காது. புருவங்களுக்கு இடையில் மனதை நிலை நிறுத்தக் கூறப்பட்டாலும், ஒரு குருவின் உதவி / தொடுதல் இல்லாமல் அதைப் பயிற்சி செய்வது மிகவும் கடினம். குரு என்பவர் ஒரு தொழில்நுட்ப வல்லுநர், அவர் கோட்பாடு மற்றும் நடைமுறை இரண்டையும் அறிந்தவர். வேததிரி மகரிஷி அத்தகைய தொழில்நுட்ப வல்லுநர், அவர் கருத்துகளையும்(Concepts ) நுட்பங்களையும் (techniques ) கொடுத்துள்ளார்.

அவர் நவீன யுகத்திற்கு ஏற்ப சில விதிகளை மாற்றியமைத்து, மனதைத் தூய்மைப்படுத்தவும், தன்னை அறியவும் ஆக்கினை தியானம் மட்டுமல்லாமல் வேறு பல தியான நுட்பங்களை வகுத்துள்ளார். பாலியல் ஆற்றலையும் மனதையும் சீராக்க கயா கல்ப யோகம் மற்றும் அகத்தாய்வு பயிர்ச்சிகளை வழங்கியுள்ளார். தெய்வீக நிலையையும் அதன் தன்மாற்றத்தையும் விஞ்ஞான ரீதியாக விளக்கிஉள்ளார். இதனால் ஒருவர் எளிதில் ஞானம் பெற முடியும்.

அவரது சேவை அவருக்குப் பின் தொடர வேண்டும் என்பதற்காக புதிதாக வருபவர்களுக்கு தீட்சை அளிக்கவும், தத்துவத்தை கற்பிக்கவும் பல ஆசிரியர்களுக்கு அவர் பயிற்சியளித்துள்ளார். எனவே, வேததிரியத்தை நவீன பகவத்-கீதை என்று கூறலாம்.

காலை வணக்கம்.. கோட்பாட்டை நடைமுறைபடுத்தவும்...💐

வெங்கடேஷ் - பெங்களூர்

(9342209728)

வெற்றி உண்டாகட்டும்